برنامج إدارة الطيارين للمطاعم

الأوردر من المطبخ للطيار، خطوة بخطوة

المطبخ بيكتب الأوردر: 3 خانات بس، المبلغ والزون وتليفون الزبون. الزبون القديم عنوانه وعلامته بيتملوا لوحدهم.
المطبخ بيختار الطيار: السيستم بيقترح طيار الزون، والكلمة الأخيرة للمطبخ.
الطيار بيستلم على موبايله: لينك ورقم سري، المبلغ اللي هيحصّله بخط كبير، وزراير اتصال وواتساب وخريطة.
كل ضغطة بوقتها: استلم، سلّم، أو رجّع الأوردر، والوقت والمكان بيتسجلوا. لو النت فصل، الضغطة بتتبعت أول ما يرجع.
آخر الوردية: كل طيار ليه رقم واحد يسلّمه، والعجز أو الزيادة بسبب مكتوب.

متأخر فين: الكارت بيتلوّن لو الأوردر عدّى 25 دقيقة في المطبخ، أو 10 دقايق جاهز ومحدش خده، أو 45 دقيقة في الطريق.
الطيار فين: خريطة لايف لصاحب المكان بكل الطيارين اللي في الوردية، طول ما لينك الطيار مفتوح.
أداء كل طيار: عدد الأوردرات، متوسط وقت التوصيل، والمرتجع.
الكاش: رصيد كل طيار وهو لسه في الشارع، والمصاريف زي البنزين والسلف متسجلة.

التوزيع الأوتوماتيك الكامل من غير المطبخ مش موجود، والسيستم بيقترح بس. إدارة أكتر من فرع من حساب واحد جاية مارس 2027، ولحد ده كل فرع ليه حسابه.

950 ج.م في الشهر لحد 3 طيارين، أو 1,500 ج.م لحد 6 طيارين، قبل ضريبة 14%، وأول 14 يوم ببلاش. تفاصيل الأسعار

الطيار محتاج ينزّل أبلكيشن؟

لأ. بيفتح لينك ورقم سري من أي موبايل. أبلكيشن المتاجر اختياري وجاي مارس 2027.

ينفع أشتغل بيه جنب الكاشير اللي عندي؟

أيوه. رايدر كرو شغال جنب أي كاشير، مش بديل ليه.

الطيار يقدر يشوف أوردرات طيار تاني؟

لأ. كل طيار بيشوف أوردراته وحسابه بس.