رايدر كرو / تتبع الطيار لايف
تتبع الطيار لايف: لصاحب المطعم وللزبون
في رايدر كرو صاحب المطعم بيشوف كل الطيارين اللي في الوردية على خريطة لايف، والزبون بيوصله لينك يشوف فيه الطيار جاي ووقت تقريبي للوصول، من ساعة ما الأوردر يخرج. المكان بيتحدث طول ما لينك الطيار مفتوح على موبايله، وبيتسجل في الوردية بس.
بيشتغل إزاي
- خريطة صاحب المكان: كل طيار في الوردية، آخر مرة اتحدث فيها مكانه، والمسار بتاعه.
- صفحة الزبون: الطيار على الخريطة ووقت تقريبي للوصول وزرار اتصال، بتفتح لما الأوردر يخرج وبتقفل لما يتسلّم.
- الطيار عارف: شريط على موبايله مكتوب فيه إن مكانه ظاهر للمطبخ، والتتبع في الوردية بس.
- المدة: أماكن الطيارين بتتمسح بعد 7 أيام.
إمتى المكان بيقف
الطيار بيشتغل من لينك على المتصفح، والمتصفح مش بيبعت المكان لما الموبايل يتقفل أو يخرج من الصفحة، خصوصاً على الآيفون. ساعتها الخريطة بتوري آخر مكان ووقته، مش مكان وهمي. أبلكيشن الطيار على المتاجر، اللي بيبعت المكان والموبايل مقفول، جاي مارس 2027.
التتبع لوحده مش كفاية
الخريطة بتقولك الطيار فين، بس مش بتقولك معاه كام. رايدر كرو بيربط كل أوردر بالطيار وبالكاش اللي حصّله، فآخر الليل كل طيار ليه رقم واحد يسلّمه. إزاي تحاسب الطيار على الكاش
اقرأ كمان
أسئلة بتتسأل
التتبع ده بفلوس زيادة؟
لأ، الخريطة وصفحة تتبع الزبون جوه الباقة.
الطيار يقدر يقفل التتبع؟
التتبع بيشتغل في الوردية بس، ولما الوردية تخلص بيقف. ولو قفل الصفحة الخريطة بتوري آخر مكان ووقته.
بتستخدموا Google Maps؟
الخريطة مبنية على OpenStreetMap، فمفيش تكلفة خرايط عليك.
مكالمة قصيرة نشوف فيها سوا ليلة شغل في مطبخك
حوالي 20 دقيقة على واتساب، في معاد يناسبك. نتعرّف على مطبخك وطيارينك، ونوريك ليلة زي ليلتك هتمشي إزاي على رايدر كرو.
ابعتلنا على واتساب أو كلّمنا: +20 110 780 7961